Казанның экстремаль спорт төрләрен яратучылары өчен мастер-класс уздырылачак

(Казан шәһәре KZN.RU, 2 нче ноябрь). 4 нче ноябрьдә экстремаль спорт төрләрен яратучылар өчен Салават күпере микрорайонындагы паркта мастер-класс оештырылачак, дип хәбәр итә Казанның парклар һәм скверлар дирекциясе.

Быел актив ял яратучылар өчен паркта памп-треклы экстрим-зона барлыкка килде, ул спорт белән яңа шөгыльләнә башлаучылар өчен дә, профессиональ спортчылар өчен дә яраклы. Ачык мастер-класста «Урам» экстрим-паркы тренеры Булат Газизов куркынычсыз йөрү кагыйдәләре турында сөйләячәк.

Мастер-класста катнашу өчен үз скутерыгызны алып килергә һәм сылтама буенча теркәлергә кирәк.

Мастер-класс 11:00 сәгатьтә башлана. Дәрес начар һава торышы аркасында булмый калырга мөмкин – куркынычсыз йөрү өчен территория коры булырга тиеш.