Ел башыннан Казан метрополитены адресына метрода йөрүчеләрдән 1,3 меңнән артык рәхмәт сүзләре килеп ирешкән

Ел башыннан Казан метрополитены адресына метрода йөрүчеләрдән 1,3 меңнән артык рәхмәт сүзләре килеп ирешкән

<p> Бу елгы өч кварталда Казан метрополитены хәзмәткәрләренә пассажирлардан 1324 тән артык рәхмәт сүзләре килеп ирешкән. Рәхмәт сүзләренең күбесе – югалган һәм юлга төшеп калган әйберләрне кире кайтару өчен җиткерелгән ихлас теләкләр. </p> <p> Ел башыннан метро хезмәткәрләре юлда сәламәтлекләре начарайган 78 пассажирга ярдәм күрсәткән һәм алар өчен «Ашыгыч ярдәм» бригадасын чакырткан. </p> <p> Шул вакыт эчендә метрода онытып калдырылган 7 йорт хайваны хуҗаларына кире кайтарылган. </p> <p> Аз хәрәкәтләнүче 1278 гражданга метрополитен станцияләре буйлап йөрүдә ярдәм күрсәтелгән. </p> <p> Исегезгә төшерәбез, теләсә нинди кыен хәлләр килеп чыккан очракта, гражданнар метро хезмәткәренә мөрәҗәгать итә яки платформаларга урнаштырылган хезмәткәрне чакыру төймәсенә баса ала. </p> <p> Югалган әйбер турында 8(843)533-70-61 телефон номеры аша кайнар линия хезмәтенә хәбәр итәргә кирәк. </p>

2025-10-03T11:26:31+0300