Төнлә Казанда +7-9 градуска кадәр суытачак

Иртәгә көндез, 10 августта, шәһәргә җылы әйләнеп кайтачак.

(Казан шәһәре KZN.RU, 9-нчы август). Ике көн дәвам иткән салкыннардан соң Казанга җәйге һава әйләнеп кайта. Иртәгә көндез, 10 августта, +22-24 градус көтелә. Ә бүген төнлә һава температурасы +9-11 градус, түбән районнарда +7-9 градуска кадәр төшәчәк. Явым-төшемсез алмашынучан болытлы һава көтелә. Төньяк-көнбатыштан уртача тизлектә җил исәчәк.

Татарстан буенча 10 августта коры булачак. ТР Гидрометеорология һәм әйләнә-тирә мохитне күзәтү идарәсе белгечләре кисәтүенчә, төнлә +6-11 градус һәм көндез +19-24 градус булачак.

Фаразлар буенча, Татарстанда ял көннәрендә эссе булачак. 11 августка каршы төндә явым-төшем көтелми, көндез урыны белән кыска вакытлы яшенле яңгыр көтелә. Җилнең тизлеге 15-20 м/с кадәр артачак. Төнлә һава температурасы +13-18 градус, көндез +25-30 градус булачак. 12 августта, якшәмбе, төнлә +13-18 градус, көндез +24-29 градус булачак.

Шулай ук укыгыз

Барлык яңалыклар