Казанлыларны «Муллык» халык куллану товарлары күргәзмә-ярминкәсенә чакыралар

Казанлыларны «Муллык» халык куллану товарлары күргәзмә-ярминкәсенә чакыралар

<p> 22-26 октябрь көннәрендә башкаланың «Спорт сарае»нда «Муллык» халык куллану товарлары күргәзмә-ярминкәсе уздырыла. Казан халкы фестивальдә җирле җитештерүчеләр әзерләгән продукцияне арзан бәядән сатып ала алачак. Мәйданчыкта азык-төлек, кием-салым һәм аяк киемнәрен, текстиль товарларны, халык сәнгать кәсепләре эшләнмәләрен тәкъдим итә торган сәүдә нокталары эшләячәк. </p> <p> Шәһәр халкын һәм башкала кунакларын 22-25 октябрьдә сәүдә фестивалендә сәгать 10:00 дән 20:00 гә кадәр көтәләр. 26 октябрь көнне ярминкә сәгать 10:00 дән 15:00 гә кадәр эшләячәк, дип хәбәр иттеләр Татарстан Республикасы Авыл хуҗалыгы һәм азык-төлек министрлыгында. </p> <p> Стендны <a target="_blank" href="https://izobilie-kazan.ru/">чараның сайтында</a> броньларга була. </p> <p> Сәүдә фестивале Мәскәү урамы, 1 йорт адресы буенча урнашкан Спорт сарае фойесында оештырыла. </p> <p> Әлеге фестиваль, үз чиратында, кече һәм урта эшмәкәрлеккә ярдәм итү, шулай ук халыкның сыйфатлы товарлардан файдалана алуын арттыру мөмкинлеге булып тора. </p> <p> Сәүдә фестивале Татарстан Республикасы Рәисе администрациясе, Татарстан Республикасы Авыл хуҗалыгы һәм азык-төлек министрлыгы, Татарстан Республикасы Сәнәгать һәм сәүдә министрлыгы, Татарстан Республикасы Икътисад министрлыгы, «Татарстан Республикасы Сәүдә-сәнәгать палатасы» берлеге ярдәме белән уздырыла. </p>

2025-10-15T11:39:02+0300