Денис Гордийко фотосы
16 майда Казанда 2019 елда туган кечкенә футболчылар өчен ачык дәрес узачак. Дәрес нәтиҗәләре буенча «Динамо» Республика махсуслаштырылган олимпия резервы спорт мәктәбенең түләүсез өйрәтү төркемнәренә кандидатлар билгеләнәчәк.
Күнегүләргә яшь казанлылар әти-әниләре белән бергә чакырыла. Спортчыларга үзләре белән футбол уйнарга яраклы аяк киеме һәм һава шартларына туры килә торган спорт формасы алырга кирәк.
Мәктәпнең тренерлар составы дәрес нәтиҗәләре буенча һәр балага киләчәктә спорт үсеше буенча тәкъдимнәр бирәчәк, дип хәбәр итәләр Татарстан Республикасы Спорт министрлыгында.
Дәрес 10:00 сәгатьтә «Электрон» стадионында Кәрим Тинчурин урамындагы 27а бина адресы буенча башлана. Ачык дәрестә катнашу бушлай.