6 ай эчендә Казанда торак төзелеше буенча еллык планның 62% ы файдалануга тапшырылган

2022 елның беренче яртыеллыгы нәтиҗәләре буенча Казанда, узган елның шул ук чоры белән чагыштырганда, файдалануга тапшырылган торак күләме сизелерлек арткан. Барлыгы 594 мең 479 кв. м торак файдалануга тапшырылган, бу, узган ел белән чагыштырганда, 59% ка күбрәк. Шуларның 346 мең 162 кв. метры – күп фатирлы йортларга (шул исәптән 51 мең 520 кв. м – соципотека), ә 248 мең 317 кв. м индивидуаль торак төзелешенә туры килә. Файдалануга тапшырылган торак күләме еллык планның 62% ын тәшкил итә.

Тулаем алганда, агымдагы елның беренче яртыеллыгында Казан Башкарма комитетының Шәһәр төзелеше рөхсәтләре идарәсе 1033 рөхсәт документы биргән, шул исәптән:

83 төзелешкә рөхсәт;

файдалануга тапшыруга 117 рөхсәт язуы;

индивидуаль торак төзелеше объектларын төзи башлауга 542 һәм төзелеш тәмамлану турында 272 белдерү кәгазе;

мәдәни мирас объектларын саклау буенча эшләрне башкаруга 8 рөхсәт язуы.

ана капиталы акчаларын җәлеп итеп, индивидуаль торак төзелеше объектларын төзү (реконструкцияләү) буенча төп эшләр башкару турында 11 акт рәсмиләштерелгән.

Хәзерге вакытта гаризаларның 90% ы электрон рәвештә килә. Документларны Татарстан Республикасы дәүләт һәм муниципаль хезмәтләр порталы аша да, күп функцияле үзәкләр аша да тапшырырга мөмкин.

Төзелешкә рөхсәтнең гамәлдә булу вакытын озайту өчен документлар бирү, шулай ук җир кишәрлегенә хокук күчкәндә яки элегрәк төзелешкә рөхсәт бирелгән җир участогыннан җир участогы төзегәндә хокуклар турында хәбәрнамәләр бирү гадиләштерелде.

Исегезгә төшерәбез, 2021 елда Казанда 1 млн 253 мең 506 кв.м торак файдалануга тапшырылган. Агымдагы елда торак төзелеше планы 956 мең кв.м. тәшкил итә.

Шулай ук укыгыз

Барлык пресс-релизлар