Быел Киров һәм Мәскәү районнарында 86 йортның ишегалларын төзекләндерәчәкләр

5 ел эчендә «Безнең ишегалды» республика төзекләндерү программасы кысаларында Киров һәм Мәскәү районнарында 495 ишегалды территориясе тәртипкә китерелде. Быел гомуми мәйданы 117 379 кв.м булган тагын 86 ишегалдына капиталь ремонт ясау планлаштырылган.

Узган ел районда 66 ишегалды киңлеге төзекләндерелде. Узган елның иң якты проектлары арасында – Ферган урамындагы ишегалдын төзекләндерү, анда 279 агач һәм куак утыртылган, шул исәптән югары декоратив (дүләнә, канәфер, кизил куагы, спирея, ясмин, барбарис, йөзем агачы), шулай ук Воровский урамындагы 23 нче йортның түбәсендә ишегалдындагы урам яктыртуларын туендыра торган кояш панельләре барлыкка килгән, яңгыр суын җыю системасы бар. Соңыннан аны автомат рәвештә су сибү җайланмасы өчен файдаланачаклар. Физик күнегүләр ясау җайланмасы (аларны кулланганда телефонны тәбәлдерекләр әйләндереп зарядкалау мөмкин), эшкәртелгән пластиктан эскәмияләр куелган, шулай ук Казанда беренче булып пластик шешәләрне тапшырырга мөмкин булган экоматлар, алга таба эшкәртү өчен киемне дә шунда тапшырырга булачак. Аларны урнаштырганнан бирле җирле халык 6,5 мең пластик шешә, 2600 алюминий банка һәм 5 кг кием тапшырган.

Узган ел Серов урамында инклюзив бульварның беренче чираты ачылу районда зур вакыйга булды. 18 февраль көнне 27 нче китапханәдә (Галимҗан Баруди ур., 25а) бульварның икенче чираты турында җәмәгатьчелек фикер алышуы була. Проектның архитекторлары һәм кураторлары планлаштырылган үзенчәлекле зоналар турында сөйләячәкләр.

Быел Петров паркын төзекләндерү дәвам итәчәк. Анда җәяүлеләр маршрутлары, спорт һәм балалар мәйданчыклары яңартылган, яшелләндерү һәм яктырту эшләре башкарылган. Быел Дары заводының тарихи капкасын төзекләндерәчәкләр.