Казан халкы сөяк мие донорлары регистрына керә ала

Кан тапшыруга 18 яшьтән 35 яшькә кадәрге кешеләргә сәламәтлек торышы буенча тискәре күрсәтмәләрсез рөхсәт ителә

Җомга көнне, 24 октябрьдә, Казанда сөяк мие донорларының Федераль регистрына керү буенча акция узачак. Иреклеләр санына 9:00 дан 13:00 кә кадәр «Росплазма» плазма үзәгендә кушылырга мөмкин.

Булачак донорларны табиб тикшерәчәк, шуннан соң кан тамырыннан бераз кан үрнәге алачаклар. Үзегез белән паспорт һәм шәхси хисап язмасының иминият номеры (СНИЛС) булырга тиеш, дип хәбәр иттеләр «Игелекле Казан» АКБО матбугат хезмәтендә.

Акциядә медицина каршылыклары булмаган 18 яшьтән 35 яшькә кадәрге кешеләр катнаша ала. Махсус әзерлек таләп ителми, ярдәм итү теләге дә җитә.

Иреклеләрне Островский урамындагы 69 йорт адресы буенча көтәчәкләр.