go.kzn.ru туристлык порталында эшли башлаган беренче өч аенда 19,6 мең кулланучы булган. Бу вакыт эчендә сайт шәһәрнең чаралары һәм туристик мөмкинлекләре турында мәгълүмат бирү өчен төп платформага әверелде. Бу хакта эшлекле дүшәмбедә Туризмны үстерү комитеты директоры Дарья Санникова хәбәр итте.
Июльдән сентябрьгә кадәр ресурс 29,2 мең карау җыйган. Ул Россиянең эре шәһәрләрендә, шул исәптән Мәскәү, Санкт-Петербург, Түбән Новгород, Екатеринбург, Самара халкында кызыксыну уятты.
Исегезгә төшерәбез, туристлык порталы быел июль аенда эшли
башлады . Цифрлы гид Татарстан башкаласы кунакларына сәфәрләрне планлаштыруны шактый гадиләштерергә, аларга шәһәрдә югалып калмаска, булган вакыйгалар турында белергә, кунакханәләрне, истәлекле урыннарны һәм маршрутларны аларның мәнфәгатьләренә туры китереп сайларга ярдәм итәргә тиеш.