Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
17.09.2021, 17:11

Татарстанда мохтаҗ гаиләләр өчен гошер сәдакасы җыю кампаниясе башланды

Республика мәчетләрендә сезонлы яшелчәләр һәм җиләк-җимешләр кабул ителә.

Фото: Денис Гордийко

(Казан шәһәре KZN.RU, 17-нче сентябрь). Татарстанда ТР мөселманнары Диния нәзарәте инициативасы белән гошер сәдакасы җыю һәм халыкның мохтаҗ категорияләрен азык-төлек продуктлары белән тәэмин итү буенча традицион кампания башланып китте. Мөфтият 25-нче сентябрьдә Татарстанда Гошер көне дип игълан итте.

Мохтаҗлар файдасына азык-төлек җыю республиканың барлык мөхтәсибәтләрендә 2017 елдан башлап үткәрелә. Традиция буенча сентябрьнең соңгы шимбәсе Татарстанда Гошер көне дип игълан ителә. Кампания кысаларында теләге булган һәркем үз уңышының бер өлешен аз керемлеләргә ярдәм йөзеннән республика районнары һәм шәһәрләренең үзәк мәчетләренә җибәрә ала. Республика мәчетләрендә бәрәңге, кәбестә, чөгендер, кишер, суган, алма, слива кебек җиләк-җимеш кабул ителә.

Шулай ук гошер сәдакасы җыю белән ТР мөселманнары Диния нәзарәте каршындагы «Зәкят» хәйрия фонды да шөгыльләнә. Хәйрия кампаниясендә катнашырга яисә азык-төлек ярдәме алырга теләүче казанлылар +7(843)225-33-22 телефоны буенча мөрәҗәгать итә ала. Азык-төлек җыю хәйрия оешмаларына, социаль учреждениеләргә (район картлар йортларына, балалар йортларына, балалар хосписына), мөселман уку йортларына (мәдрәсәләрдә, мәктәпләрдә һәм балалар бакчаларында, Коръән хафизларын әзерләү үзәге һәм башка оешмаларга), шулай ук турыдан-туры мохтаҗ гаиләләргә тапшырыла.

«Закят» хәйрия фондында 1000-нән артык мохтаҗ гаилә булган реестр формалаштырылган. Бу тулы булмаган, аз керемле, күп балалы, шулай ук инвалид балалар тәрбияләнә торган гаиләләр. Алар барысы да гошер сәдакасы җыю кампаниясе кысаларында азык-төлек ярдәме алачак. Бу реестрда тормаган, әмма ярдәм алырга теләүчеләргә +7(843)225-33-22 телефонына шалтыратырга һәм табышлар турында белешмә күрсәтергә кирәк. Мохтаҗларга гошер бирү милли һәм дини нәрсәгә бәйсез рәвештә гамәлгә ашырылачак.

Исегезгә төшерәбез, гошер сәдакасының аерым бер төре, мөселман кешесе мохтаҗларга бер сезонда алынган уңышның уннан бер өлешен бирергә тиеш. Татарстанлыларның әлеге социаль әһәмиятле инициативада актив катнашуы нәтиҗәсендә 2017 елда Татарстан мөхтәсибәтләрендә 160 тонна яшелчә һәм җиләк-җимеш җыеп тапшырылган, 2018 елда – 600 тонна, 2019 елда –1109,5 тонна, 2020 елда – 1000 тонна.

Барлык яңалыклар