Татарстан башкаласында «Коръән дөньясы 2.0» халыкара күргәзмәсе ачылачак

Татарстан башкаласында «Коръән дөньясы 2.0» халыкара күргәзмәсе ачылачак

Казанның «Әл-Мәрҗани» мәчетендә җомга көнне, 3 октябрьдә, «Коръән дөньясы 2.0» халыкара күргәзмәсе ачылачак. Килүчеләр VR системалары аша борынгы Мәккә һәм Кәгъбәне күрә һәм каллиграфия буенча мастер-классларда катнаша алачак.<br> <br> Күргәзмә вакытында музей экспонатларын һәм күп функцияле интерактив зонаны карарга мөмкин булачак. Шәһәр халкына Коръәннең алыштыргысыз экспонатлары, аерым алганда, ислам нигезләре турындагы китаплар тәкъдим ителде.<br> <br> VR системасы аша борынгы Мәккә һәм Кәгъбәне күрергә, каллиграфия буенча мастер-классларда катнашырга мөмкин булачак. Ә балалар уен формасында ислам мәдәнияте нигезләре белән таныша алачак, дип хәбәр итә ТР Мәдәният министрлыгының Матбугат хезмәте.<br> <br> Тантаналы ачылыш 16:00 сәгатьтә Каюм Насыйри урамындагы 17 йорт адресы буенча узачак.<br> <br> Күргәзмә РФ мөселманнары Диния нәзарәте һәм Катар дәүләтенең вакыфлар һәм Ислам эшләре министрлыгы тарафыннан ТР мөселманнары Диния нәзарәте ярдәмендә оештырылган.<br>

2025-09-30T17:46:10+0300