Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
21.05.2020, 16:12

Татарстанның күпфункцияле үзәкләрендә 3 яшьтән 16 яшькә кадәрге балаларга түләү өчен документлар кабул итә башладылар

Мөрәҗәгатьләр 5 эш көне дәвамында карала.


(Казан шәһәре KZN.RU, 21-нче май). Татарстанның күпфункцияле үзәкләрендә 3 яшьтән 16 яшькә кадәрге балаларга түләү алу өчен документлар кабул ителә башлады. Хезмәтне алу өчен гариза бирүче паспорты, бала туу турында таныклык, гариза бирүче һәм баланың СНИЛС документы, түләү башкарылачак банк счеты номеры таләп ителә.

Гаризада мөрәҗәгать итүченең банк счеты мәгълүматларын күрсәтергә кирәк. Түләү башка зат исәбенә башкарыла алмый. Моннан тыш, бланкта мөрәҗәгать итүченең электрон почтасы адресын күрсәтергә тәкъдим ителә - ул гаризаны караганда яисә хезмәт күрсәтүдән баш тарту турындагы карарны караганда төгәлләштерүләр өчен таләп ителергә мөмкин, дип хәбәр итә «Минем документлар» дәүләт һәм муниципаль хезмәтләрнең рәсми интернет-порталында. Әгәр гаиләдә ике яки күбрәк бала булса, берничә гариза язу таләп ителми, бер гариза да җитә.

Гаризаны алдан тутырырга мөмкин, аны сылтама буенча алырга мөмкин.

Мөрәҗәгатьләр 5 эш көне дәвамында карала, ә акчаларны күчерүгә 3 көн бирелә. Россия Пенсия фонды бүлекләрендә яисә РФ дәүләт хезмәтләре порталы аша гаризалар биргәндә дә шундый ук сроклар каралган.

Түләүне рәсмиләштерү өчен, яшәү урынына бәйсез рәвештә, күпфункцияле үзәкнең теләсә кайсы офисына мөрәҗәгать итәргә мөмкин.

Исегезгә төшерәбез, бер тапкыр бирелә торган түләүне 2020 елның 1-нче октябренә кадәр рәсмиләштерергә мөмкин. Түләү 1-нче июньнән башкарылачак. Ул РФ гражданлыгы булган барлык балаларга тиеш: аларның яше 2020 елның 11-нче маеннан 30-нчы июненә кадәр булган 3-16 яшьне тәшкил итүе зарур.

«Минем документлар» бүлекчәләрендә кабул итүләр элеккечә үк ТР дәүләт хезмәтләре порталы яки call-үзәк аша түбәндәге телефон буенча башкарыла: +7(843)222-06-20.
Барлык яңалыклар