Казанның Шамил Усманов урамындагы 22 номерлы йортта капиталь төзекләндерү эшләре тәмамланган

Казанның Шамил Усманов урамындагы 22 номерлы йортта капиталь төзекләндерү эшләре тәмамланган

<p> Шәһәрнең Мәскәү районында урнашкан Шамил Усманов урамындагы күпфатирлы 22 номерлы йортта капиталь төзекләндерү эшләре тәмамланган. Белгечләр тарафыннан түбәндәге эшләр башкарылган: үзәк җылыту системасы алыштырылган, су белән тәэмин итү һәм агынты сулар чыгып китү челтәрләре яңартылган, шулай ук түбә һәм йортның алгы ягы төзекләндерелгән. </p> <p> Моннан тыш, күпфатирлы йорт подъездларына яңа ишекләр куелган, подвал өлеше тәртипкә китерелгән һәм электр җиһазлары системасы яхшыртылган, дип хәбәр итә Киров һәм Мәскәү районнары администрациясе матбугат хезмәте. </p> <p> Шул ук вакытта Восстание урамы, 108 адресы буенча урнашкан йортта да төзекләндерү эшләре алып барыла. Объектта алда әйтеп үтелгән эшләр башкарылган. Хәзер белгечләр соңгы эш белән шөгыльләнә – подъездларның диварларын тигезләп агарталар. </p> <p> Исегезгә төшерәбез, Шамил Усманов урамындагы 22 номерлы биш катлы йортны 1966 елда төзегәннәр. Моңа кадәр әлеге йортта бер тапкыр да төзекләндерү эшләре үткәрелмәгән булган. </p> <p> Бу елны Казанда барлыгы күпфатирлы 241 йортны төзекләндерергә ниятлиләр. </p> <p>   </p>

2025-10-21T11:54:58+0300