Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
17.06.2021, 12:54

Казанда триатлон ярышлары көнендә җәмәгать транспорты хәрәкәте схемасы үзгәрәчәк

Ironstar Kazan 2021 19-нчы июнь көнне узачак.

Фото: Казан шәһәре KZN.RU

(Казан шәһәре KZN.RU, 17-нче июнь). 19-нчы июнь көнне Казанда өч троллейбус маршруты ябылачак һәм берничә автобусның хәрәкәт схемасы үзгәртеләчәк. Тиешле боерык Казан Башкарма комитетында чыкты. Бу триатлон буенча Ironstar Kazan 2021 халыкара ярышлар үткәрүгә бәйле, дип хәбәр итә Казан Башкарма комитетының Транспорт комитеты.

Шулай итеп, ярышлар уздырганда 1-нче номерлы «Горький шоссесы – Роддом» , 2-нче номерлы «Тукай мәйданы» метро станциясе» – Академик Арбузов урамы, 13-нче номерлы «Халитов урамы – Ленинград урамы» троллейбуслары йөрмәячәк.

  • 6:00 сәгатьтән 17:00 сәгатькә кадәр кайбер автобус маршрутларының хәрәкәт схемалары үзгәрәчәк
    • 6-нчы номерлы автобус Елга портыннан, «Энергетика университеты» тукталышын үткәреп, Северный торак массивы ягына хәрәкәт итәчәк. Кире юнәлештә – үзгәрешсез;

      15-нче номерлы автобус «Сәламәтлек комбинаты» тукталышыннан, «Энергетика университеты» тукталышын үткәреп, «Роддом» ягына таба барачак. Аннары автобус Декабристлар урамы буенча Химиклар мәдәният йортына кадәр бара, Ямашев проспектына борыла, аннары хәрәкәтен маршрут буенча дәвам итә. Кире юнәлештә үзгәрешсез;

      18-нче номерлы автобус Восстание урамы буйлап, Ибраһимов проспектына һәм Волгоград урамына кермичә, туры һәм кире юнәлештә йөриячәк. «Северополюсная урамы» тукталыш юнәлешендә автобус «Ибраһимов проспекты» һәм «Яшьлек» метро станциясе» тукталышларын үткәреп хәрәкәт итәчәк. Кире юнәлештә «Яшьлек» метро станциясе», «Ибраһимов проспекты» һәм «Коллектив урамы» тукталышлары булмаячак;

      22-нче номерлы автобус Ферма-2-дән К.Маркс урамыннан Можайский урамына таба, «Ирек мәйданы» тукталышыннан соң Лобачевский, Астрономия, Уң як Болак, Кремль дамбасы, «КАИ» һәм «Батурин урамы» тукталышларын үткәреп хәрәкәт итәчәк. Аннары автобус Декабристлар урамы буйлап «Яшьлек» метро станциясе, «Энергетика университеты», «Гуманитар институт», «Волгоград урамы», «Ибраһимов проспекты» тукталышларына барачак, аннары хәрәкәтен маршрут буенча дәвам итәчәк. Кире якка – Декабристлар урамы буйлап Кремль дамбасына кадәр, «Волгоград урамы» һәм «Гуманитар институт» тукталышларын үткәреп, алга таба Сул як Болак, Астрономия, Лобачевский, К.Маркс урамнары буйлап, «Бутлеров урамы» һәм «КАИ» тукталышларын үткәреп, алга таба маршрут буенча хәрәкәт итәчәк;

      28-нче номерлы автобус Горький паркыннан Короленко урамы ягына таба: К.Маркс урамында «Ирек мәйданы» тукталышыннан соң Лобачевский, Астрономия, Уң як Болак, Кремль дамбасына борылачак, аннары маршрут буенча, «КАИ», «Батурин урамы» һәм «Энергетика университеты» тукталышларын үткәреп җибәреп хәрәкәт итәчәк. Короленко урамыннан – «Четаев урамы» тукталышына кадәр маршрут буенча, аннары, «Чистай урамы» һәм «С.Хәким урамы» тукталышларын үткәреп, туннель аша узачак. Миллениум күпереннән соң – Вишневский, Шмидт, Чехов, Ершов урамнарыннан Зинин урамы чатына кадәр Горький паркы ягына борыла, аннары маршрут буенча;

      29-нчы номерлы автобус «Төзелеш институты» тукталышыннан Гудованцев урамы ягына таба хәрәкәт итә: Декабристлар урамы буйлап «Яшьлек» метро станциясе» тукталышына кадәр, «Энергетика университеты», «Гуманитар институт», «Волгоград урамы» һәм «Ибраһимов проспекты» тукталышларын үткәреп, алга таба маршрут буенча. Кире юнәлештә шулай ук Декабристлар урамы буенча, «Волгоград урамы» һәм «Гуманитар институт» тукталышларында тукталыш ясамыйча.

      35-нче номерлы автобус «Тукай мәйданы» метро станциясеннән Декабристлар урамы буенча, Волгоград урамына борылмыйча, «Энергетика университеты» тукталышын үткәреп, Гаврилов урамына таба юнәләчәк. Алга таба маршрут буенча;

      36-нчы номерлы автобус «Кием базары» тукталышыннан, Восстание урамы буйлап, Ибраһимов проспектына һәм Волгоград урамына кермичә, «Ибраһимов проспекты» һәм «Яшьлек» метро станциясе» тукталышларын үткәреп, Осиново ягына таба барачак. Кире юнәлештә Восстание урамы буйлап: «Яшьлек» метро станциясе, «Ибраһимов проспекты» һәм «Коллектив урамы» тукталышларын үткәреп уза.

      37-нче номерлы автобус Ферма-2дән Сухая елгасы торак массивы ягына «Энергетика университеты» тукталышын үткәреп барачак. Кире юнәлештә үзгәрешсез;

      43-нче номерлы автобус Техника урамыннан Химия урамына таба юнәләчәк: Миллениум күпереннән соң, «А.Козин урамы» һәм «С.Хәким урамы» тукталышларын үткәреп, туннельны узачак. Кире якка – «Чистай урамы», «С.Хәким урамы» тукталышын үткәреп;

      47-нче номерлы автобус Универсиада авылыннан Батыршин урамына таба барачак: Декабристлар урамы буйлап «Яшьлек» метро станциясе тукталышына кадәр барганда, «Энергетика университеты», «Гуманитар институт», «Волгоград урамы», «Ибраһимов проспекты» тукталышларына тукталмыйча һәм алга таба маршрут буенча. Кире юнәлештә шулай ук Декабристлар урамы буенча, «Волгоград урамы», «Гуманитар институт» тукталышларын уздырып.

      54-нче номерлы автобус Елга портыннан Гаврилов урамы ягына таба хәрәкәт итәчәк: Миллениум күпереннән соң, «А.Козин урамы» һәм «С.Хәким урамы» тукталышын үткәреп, туннель аша үтәчәк. Кире якка – «Чистай урамы», «С.Хәким урамы» тукталышын үткәреп җибәреп һәм Миллениум күпереннән соң Вишневский, Шмидт, Чехов, Ершов урамнары буйлап, Зинин урамы чатына кадәр, анда Горький паркы ягына борылачак һәм алга таба маршрут буенча барачак;

      60-нчы номерлы автобус Северополюсная урамыннан Дербышка торак массивына таба барачак. Декабристлар урамы буенча «Гагарин урамы» тукталышыннан соң Восстание урамы, Короленко урамы һәм алга таба, «71 нче мәктәп» тукталышын үткәреп җибәреп, маршрут буенча. Кире юнәлештә үзгәрешсез;

      62-нче номерлы автобус Осиноводан Су спорт төрләре сараена таба, Декабристлар урамы буенча узып, «Ибраһимов проспекты» һәм «Коллектив урамы», «Яшьлек» метро станциясе тукталышларын үткәреп, Восстание урамында борылачак. Аннары «Гаврилов урамы» тукталышыннан соң Ямашев проспекты буенча «Казан Арена» футбол стадионы һәм «Су спорт төрләре сарае» тукталышларына кермичә, юл чишелешендә борылачак. Кире юнәлештә Чуйков, Восстание, Декабристлар урамнары буенча, Ибраһимов проспектына борылышны һәм «Ибраһимов проспекты», «Яшьлек» метро станциясе тукталышларында тукталып тормыйча хәрәкәт итәчәк;

      74-нче номерлы автобус Су спорт төрләре сарае ягына барачак: Кремль дамбасыннан соң, Декабристлар урамы буенча Химиклар мәдәният йортына кадәр, Ямашев проспекты, Чистай урамы буйлап әйләнә-тирә хәрәкәт буенча «Су спорт төрләре сарае» тукталышына кермичә, «Энергетика университеты» тукталышын үткәреп. Кире якка – «Әпсәләмов урамы» тукталышына кадәр маршрут буенча, аннары Бондаренко урамы, Ямашев проспекты, Декабристлар урамы буйлап, «Бондаренко урамы» тукталышын уздырып, алга таба маршрут буенча;

      75-нче номерлы автобус «Сәламәтлек комбинаты»ннан Декабристлар урамы буенча, «Энергетика университеты» тукталышын үткәреп, Адоратский урамына таба, Химиклар мәдәният йортына кадәр барачак. Аннары Ямашев проспекты, Бондаренко урамы һәм алга таба маршрут буенча, әмма боҗра чишелешендә «Су спорт төрләре сарае» тукталышына кермичә хәрәкәт итәчәк. Кире юнәлештә – «Әпсәләмов урамы» тукталышына кадәр маршрут буенча, аннары Бондаренко урамы, Ямашев проспекты, Декабристлар урамы һәм яңадан маршрут буенча;

      78-нче номерлы автобус Декабристлар урамында «Яшьлек» метро станциясе» тукталышы янында Волгоград урамына кермичә борылачак;

      89-нчы номерлы автобус Сахаров урамыннан Гудованцев урамына таба узачак: К.Маркс урамыннан «Ирек мәйданы» тукталышыннан соң Лобачевский урамында борылачак, Астрономия, Уң як Болак, Кремль дамбасы буйлап узачак, «КАИ», «Батурин урамы», «Энергетика университеты» тукталышларын үткәреп җибәрәчәк. Кире якка шулай ук: Кремль дамбасы, Сул як Болак урамы, Астрономия, Лобачевский, К.Маркс урамы, «КАИ» һәм «Батурин урамы» тукталышларын үткәреп җибәреп, алга таба маршрут буенча хәрәкәт итәчәк;

      28а номерлы автобус Короленко урамыннан Восстание урамы буенча Чехов базарына таба, «Ибраһимов проспекты» тукталышын үткәреп, Декабристлар урамына таба юл тотачак. Кремль дамбасыннан соң Сул як Болак, Астрономия, Лобачевский, К.Маркс урамнары буенча, «Бутлеров урамы» һәм «КАИ» тукталышларын үткәреп, алга таба маршрут буенча йөриячәк. Чехов базарыннан Короленко урамына таба Миллениум күпереннән соң, «А.Козин урамы» һәм «С.Хәким урамы» тукталышларын үткәреп, туннельгә керәчәк, алга таба маршрут буенча барачак;

      35а номерлы автобус Восстание урамындагы «Автобазар» тукталышыннан Декабристлар урамына кадәр барачак һәм, «Волгоград урамы» һәм «Гуманитар институт» тукталышларны үткәреп, юл тотачак. Алга таба маршрут буенча хәрәкәт итәчәк.



Моннан тыш, «Горький исемендәге Үзәк мәдәният һәм ял Паркы»  тукталышы 10а, 22, 28, 30, 35, 54, 63, 89 , 91 номерлы автобуслар һәм 3, 5, 7 номерлы троллейбус маршрутлары өчен 160 метрга, 1,4, 25, 71, 90 номерлы автобус маршрутлары өчен икенче тукталышка «Горький исемендәге Үзәк мәдәният һәм ял Паркы»ның икенче тукталышына күчерелә.

 

Барлык яңалыклар