В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
09.04.2021, 17:38
Казанда ял көннәре: космик блюз, «Тоталь диктант» һәм рәсем дәресләре
KZN.RU порталы алдагы ял көннәрен ничек файдалы итеп үткәрү турында сөйли.
Фото: Денис Гордийко
(Казан шәһәре KZN.RU, 9-нчы апрель). Булачак ялларда казанлылар «Тоталь диктант»та грамоталылыкны тикшерә, космик блюз астында бии, этләр ясый, Казаннан китмичә, Норвегиядә була алачак. Иң кызыклы чаралар турында KZN.RU порталының мәдәни афишасында укыгыз.
«Тоталь диктант» (12+)
10-нчы апрель көнне 14.00 сәгатьтә
Казан «Тоталь диктант» бөтенроссия акциясенә кушыла. Казанда акциянең төп мәйданчыклары булып А.С.Пушкин исемендәге мәдәни үзәк, ТР Милли китапханәсе һәм КФУның Филология һәм мәдәниятара коммуникацияләр Институты торачак. Диктантны шулай ук Профсоюзлар федерациясендә, «Штаб» креатив индустрияләр резиденциясендә, Халыклар дуслыгы йортында, «Мега» сәүдә-күңел ачу үзәгендә, «Адымнар - белем һәм татулыкка юл» мәктәбендә, 93-нче номерлы гимназиядә һәм башка мәйданчыкларда язарга мөмкин булачак – уңайлысын «Тоталь диктант» рәсми сайтында сайларга мөмкин.
Социалистик көнкүреш музеенда космик блюз (18+)
10-нчы апрель 20.00
Социалистик көнкүреш музеенда Юрий Гагаринның космоска беренче очышына багышланган спейс-рок концерты узачак. Pink Floyd, Hawkwind, Space, Zodiaс, Rockets, Cocteau Twins төркемнәре репертуарыннан әсәрләр, шулай ук «Заправлены в планшеты космические карты», «Трава у дома», «Притяжение земли» һ.б. илебез хитлары яңгыраячак.
Концертның хедлайнерлары Казанның популяр блюзмены Камрад Листков, «Листья травы» төркеме һәм баянчы Айдар Вәлиев булачак. Алар кунакларга блюз-рок стилендәге космик темага музыкаль джем бүләк итәчәк.
Кичәнең атмосферасын «Человек-улыбка» фотокүргәзмәсе тулыландыра, анда үз гомеренең төрле чорларында елмаеп торган Юрий Гагарин сурәтләнгән фотолар урын алды.
«Исәнмесез, Юрий Гагарин!» күргәзмәсе Заманча сәнгать галереясында (6+)
10-11-нче апрель көннәрендә 11.00 сәгатьтән 20.00 сәгатькә кадәр
Космонавтика көнен бәйрәм итү алдыннан Заманча сәнгать галереясында «Исәнмесез, Юрий Гагарин!» күргәзмәсе тәкъдим ителәчәк. Экспозициядә – совет һәм заманча сәнгать әсәрләре. Күргәзмәгә килүчеләр Ольга Гречина, Виктор Вальцефер, Николай Соломин, Владимир Цигаль, шулай ук совет чорында иҗат иткән Татарстан осталарының картиналарын күрәчәк, алар арасында Елизавета Киселева, Владимир Попов, Борис Старчиков, Таһир Фаизов, Константин Васильев һәм башкалар.
Шулай ук экспозициядә йолдызлы күк эстетикасын күрсәтүче фотосурәтләр дә тәкъдим ителәчәк. Эшләрне Казан федераль университетыннан астрофизиклар бирде.
«Исхак Әхмәров – совет разведкасы легендасы» күргәзмәсе «Сәйдәш» мәдәни үзәгендә (6+)
10-11-нче апрель көннәрендә 12.00 сәгатьтән 19.00 сәгатькә кадәр
Совет разведчигы Исхак Әхмәровның 120 еллыгы уңаеннан «Сәйдәш» мәдәни үзәгендә күргәзмә ачылды. Экспозициядә 100-дән артык экспонат, шул исәптән яшерен документлар һәм соңгы еллардагы язмалар, архив материаллары һәм гаилә архивларыннан уникаль чын нөсхәләр тәкъдим ителде, алар разведчикның кызлары Маргарита һәм Екатерина Әхмәровалар, оныгы Наталья Третьякова тарафыннан 1996-2021 елларда тапшырылды.
Экспозиция үз эченә ТР Дәүләт архивы, Чиләбе өлкәсе Дәүләт архивы, РФ тышкы разведка хезмәте һәм ТР ның РФдәге Тулы вәкаләтле вәкиллеге материаллары ала.
Күргәзмәгә килүчеләр беренче тапкыр Исхак Әхмәровның шәхси әйберләрен: пальто, ике костюм, күлмәк, эшләпә һәм туфлиен, шулай ук Россия Тышкы разведка хезмәте командованиесеннән бүләк язуы белән кул сәгатен һәм кояш күзлеген күрә алачак.
«Смена»да Норвегия көннәре (16+)
10-11-нче апрель
«Смена» заманча мәдәният үзәгендә Норвегия көннәре уза. Программада – лекцияләр, мастер-класслар, китаплар презентациясе, кинокүрсәтүләр һәм концерт.
10-нчы апрельдә тематик чаралар 18.00 сәгатьтә башлана. Кинематографны яратучылар өчен «Переправа» документаль фильмы күрсәтеләчәк. Кинокүрсәтүгә керү ирекле, әмма сайтта теркәлү кирәк.
Программа 11-нче апрельдә дәвам итәчәк. 17.00 сәгатьтә Эдвард Мунке турында лекция планлаштырылган. Аны YouTube-каналда дистанцион рәвештә тыңларга мөмкин.
19.00 сәгатьтә «Кешеләр нәрсә әйтер» фильмы күрсәтеләчәк. Керү ирекле, теркәлү кирәк.
ТР Милли музеенда анималистик графика буенча дәресләр (6+)
11-нче апрель көнне 14.00 сәгатьтә
Кешенең космоска беренче очышының 60 еллыгын бәйрәм итү кысаларында ТР Милли музеенда «Белка, Стрелка һәм Гагарин» анималистик графикасы буенча дәресләр узачак. Укуны сәнгать белгече, рәссам һәм күргәзмә кураторы Гүзәл Фәйзрахманова үткәрәчәк.
Дәрес вакытында балалар этләр ясарга өйрәнәчәк, шулай ук анималистик персонажларда иллюстратив графика ярдәмендә характерларның ничек барлыкка килүе турында беләчәкләр.
Шулай ук укыгыз
-
26.10.2025, 09:07 -
25.10.2025, 09:05 -
24.10.2025, 19:32 -
24.10.2025, 17:53