В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
17.10.2025, 13:57
«Цирк сәнгатендә ревю»: башкала халкын һәвәскәр цирк коллективлары катнашында узачак фестивальгә чакыралар
«Тимер юлчылар» мәдәният сараенда 580 яшь артист – акробатлар, эквилибристлар, жонглерлар, һава гимнастлары чыгыш ясаячак
18 һәм 19 октябрь көннәрендә Казанның «Тимер юлчылар» мәдәният сараенда һәвәскәр цирк коллективларының IV Халыкара «Цирк сәнгатендә ревю» фестиваль-бәйгесе уза. Анда Россия һәм Казахстан шәһәрләреннән 580 артист катнашачак. Яшь катнашучылар акробатика, жонглерлык, һава гимнастикасы һәм эквилибристика буенча үз осталыкларын күрсәтәчәк.
Һәвәскәр коллективларның чыгышларын танылган цирк артистлары һәм атказанган сәнгать эшлеклеләре составындагы жюри бәяли, дип хәбәр итә мәдәният учреждениесенең матбугат хезмәте.
Фестиваль Ильич урамы, 25 йорт адресы буенча бушлай оештырыла, 9:00 сәгатьтә башлана.
«Цирк сәнгатендә ревю» бәйге фестивале Ватанны саклаучылар елына һәм Бөек Ватан сугышында Җиңүнең 80 еллыгына багышлана. Ул «Ника» иҗади фестиваль хәрәкәте ярдәме белән «Арена» талантларны һәм мәдәниятне үстерү үзәге тарафыннан оештырыла.
Шулай ук укыгыз
-
26.10.2025, 09:07 -
25.10.2025, 09:05 -
24.10.2025, 19:32 -
24.10.2025, 17:53