Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
08.09.2021, 13:14

Татарстан Республикасы Үзәк сайлау комиссиясе: Татарстан мәктәпләре сайлаулар вакытында штат режимында эшләячәк

Укучылар өчен музейларда күчмә дәресләр яки спорт җыеннары оештырылачак.

Фото: Денис Гордийко

(Казан шәһәре KZN.RU, 8-нче сентябрь, Камилә Гобәйдуллина). 17-нче һәм 18-нче сентябрьдә, сигезенче чакырылыш Россия Дәүләт Думасына депутатлар сайлау көннәрендә, Татарстан мәктәпләре штат режимында эшләячәк, укучылар өчен күчмә дәресләр оештыру планлаштырыла. Бу хакта бүген «Татар-информ» мәгълүмат агентлыгында узган матбугат конференциясендә ТР Үзәк сайлау комиссиясе рәисе Андрей Кондратьев хәбәр итте.

«Без Татарстан Республикасы Мәгариф министрлыгы белән даими элемтәдә. Аңлыйбыз, аеруча басым 17-нче нче числога, җомга көненә ясалачак. Мәктәп җәдвәленә үзгәрешләр кертеләчәк. Бу көннәрдә сыйныфтан тыш эшләргә һәм дәресләрнең саф һавада узуына зур игътибар биреләчәк. Бу сорау бездә тулысынча эшләнде инде», – дип белдерде Андрей Кондратьев.

Әйтик, сайлаулар узган көннәрдә мәктәп укучылары өчен күчмә чаралар – экскурсияләр, музейларга бару, походлар, спорт ярышлары, саф һавада дәресләр һәм башка чаралар оештыру планлаштырыла.

Исегезгә төшерәбез, 17-нче сентябрьдән 19-нчы сентябрьгә кадәр сигезенче чакырылыш Россия Федерациясе Дәүләт Думасы депутатларын сайлау, Татарстан Республикасы Дәүләт Советы депутатларын өстәмә сайлау, шулай ук Академик һәм Липатов бермандатлы сайлау округлары буенча Казан шәһәре Думасы депутатларын өстәмә сайлаулар узачак.

Барлык яңалыклар