«Тепло»: Казан яшьләре өчен медиа нигезләре буенча белем бирү интенсивы үткәреләчәк

Программада катнашуга гаризалар 5 ноябрьгә кадәр кабул ителә

Казанда медиа, PR һәм SMM белгечләре очрашуында катнашуга гаризалар кабул итү башланды. «Тепло» белем бирү программасына 5 ноябрьгә кадәр язылырга мөмкин. Чара 8 ноябрьдә «УРАМ» экстрим паркында узачак.

Көндезге интенсив программасында: медиа PR, SMM, маркетинг, контент-менеджмент һәм блогинг темалары буенча фикер лидерлары һәм инфлюэнсерлар белән лекцияләр, мастер-класслар һәм әңгәмәләр.

Мәктәп укучыларын һәм студентларны тематик кейслар көтә, аларны эшләү белән аларга үзара белем бирү системасы буенча шөгыльләнергә туры киләчәк, шулай ук яңа файдалы танышулар, дип хәбәр итә экстрим паркның матбугат хезмәте.

Белем бирү программасында катнашу өчен 5 ноябрьгә кадәр сылтама буенча анкета тутырырга кирәк. Гариза бирү кампаниясе тәмамланганнан соң, оештыручылар катнашучылар белән шәхсән элемтәгә керәчәк һәм программага чакырачак.

Чара Яшьләр эшләре буенча Федераль агентлык ярдәмендә уздырыла.

Элегрәк хәбәр ителгәнчә, октябрьдә «УРАМ» экстрим паркында бушлай күнегүләр чаралары узачак. Яшь казанлылар үзләрен самокатта, роликларда, скейтбордта, шулай ук BMX велосипедларында, паркур һәм трикингта сынап карый алачак.

Шулай ук укыгыз

Барлык яңалыклар