Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
20.08.2019, 13:56

2020 елдан Татарстанда ишегалларын төзекләндерү буенча өчьеллык программа старт ала


(Казан шәһәре KZN.RU, 20-нче август). Татарстанда «Безнең ишегалды» ишегалларын төзекләндерү буенча яңа программа гамәлгә ашырылачак. Бу хакта бүген Татарстан Республикасы Президенты Рөстәм Миңнеханов республиканың алдынгы массакүләм мәгълүмат чаралары редакторлары белән очрашуда белдерде. 

ТР Президенты белдергәнчә, бүгенге көндә республикада социаль, татарстанлылар тормышы сыйфатын яхшыртуга юнәлдерелгән 40 программа гамәлгә ашырыла. Проектлар бөтен өлкәләргә дә кагыла: торак комплексы, сәламәтлек саклау, мәгариф, юл төзелеше, иҗтимагый киңлекләрне үстерү һәм башкалар. 

Рөстәм Миңнеханов сүзләренчә, тупланган зур тәҗрибә «Безнең ишегалды» программасын гамәлгә ашыруда ярдәм итәчәк. Әлеге проект кысаларында 2020 елга кадәр өч елда бөтен күпфатирлы йортлар ишегалларын төзекләндерү планлаштырыла. Әлеге максатка 50 млрд. сум бүлеп бирү карала. 

Татарстан Президенты ассызыклаганча, «Безнең ишегалды» программасын төзү алдыннан халык белән зур эш үткәрелгән. Аерым алганда, кирәкле эшләр исемлеге билгеләнгән, алар арасында эскәмияләр, яктырткычлар кую, балалар мәйданчыкларын төзекләндерү һәм автомобильләр өчен парковкалар оештыру бар. 

Рөстәм Миңнеханов сүзләренчә, яңа программа эшенең төп принцибы - татарстанлылар теләкләрен ишетү. Беренче этапта гомуми анкеталару уздырылачак, һәр граждан ишек алды территориясен төзекләндерү стандартлары турында үз фикерен әйтә алачак. Анкеталау 8-нче сентябрь көнне сайлау участокларында ТР Дәүләт Советына сайлаулар белән параллель оештырыла, дип хәбәр итә ТР Президенты матбугат хезмәте.

Искәртик, «Бердәм Россия» партиясе йортлар янындагы территорияләрне төзекләндерү буенча аерым проектны эшләп, дәүләт программалары санын киңәйтүне тәкъдим итте. Татарстан Президенты әлеге тәкъдимне хуплады.  

Барлык яңалыклар