Казан белән Ташкентны яңа автобус маршруты бәйләде

Юлдагы вакыт 1 көн 20 сәгатьне тәшкил итәчәк

«Восточный» автобус вокзалыннан Үзбәкстан башкаласына яңа автобус маршруты йөри башлады. Казаннан Ташкентка беренче рейс кичә китте.

«Восточный» автовокзалыннан автобус китү вакыты – һәр чәршәмбе һәм шимбә көнне 9:30 да. Юл вакыты 1 көн 20 сәгать тәшкил итә. Маршрутның соңгы ноктасы – «Сабир Рәхимов» автовокзалы, анда пассажирлар 7:30 да килә.

Ташкенттан халыкара рейс сишәмбе һәм җомга көннәрендә җирле вакыт буенча 17:30 сәгатьтә китә.

Пассажирларның үзләре белән документлары булырга тиеш: РФ гражданины булмаганнар өчен – чит ил гражданины паспорты, россиялеләргә – чит ил паспорты.

Тулырак мәгълүматны автовокзалның +7 (843) 233-41-17 белешмә телефоны буенча белергә була.