Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
19.03.2020, 10:32

Татарстан мәчетләренә җәмәгать намазы кылудан баш тартырга тәкъдим ителде


(Казан шәһәре KZN.RU, 19-нчы март). Татарстан мәчетләрендә коронавирусны профилактикалау чаралары кабул ителде. Татарстан Республикасы мөселманнары Диния нәзарәтенең 18-нче мартта узган утырышында мәчетләр һәм мәхәллә кешеләре өчен вакытлы киңәш-тәкъдимнәр яңгырады.

Дини учреждениеләр вәкилләренә җәмәгать намазын мәчет хезмәткәрләре катнашында гына оештырырга, биш вакыт намазны мәчетләрдә һәм намаз бүлмәләрендә индивидуаль тәртиптә генә үткәрергә, традицион җомга намазын кыскартырга, мәчетләрдә, намаз бүлмәләрендә һәм уку йортларында ТР мөселманнары Диния нәзарәтенең белем һәм тәрбия чараларын уздыруны туктатырга тәкъдим ителде.

Мәхәллә кешеләренә килгәндә, какшаган иммунитеты булган һәм сәламәтлекләре өчен курыккан кешеләргә массакүләм дини чараларга, шул исәптән җомга намазына да бармаска киңәш ителә, күп кешеләр катнашындагы мәҗлесләрне, никахлар һәм исем кушу йолаларын уздыруны туктатырга, җеназа йолаларын ачык һавада аз сандагы кешеләр белән үткәрергә, дини сәламләүләрне традицион кул кысышу һәм кочаклашудан башка гына башкарырга кирәк.

Тәкъдимнәр 15-нче апрельгә кадәр гамәлдә булачак, кирәк булганда әлеге срок озайтылырга мөмкин, дип хәбәр итә ТР мөселманнары Диния нәзарәте матбугат хезмәте.

Барлык яңалыклар