Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
21.01.2020, 15:17

Гадәттән тыш хәлләр министрлыгы буран, бозлавык һәм көчле җил турында кисәтә


(Казан шәһәре KZN.RU, 21-нче гыйнвар). Татарстан буенча Россия Гадәттән тыш хәлләр министрлыгының Баш идарәсе халыкны һава шартларының начараюы турында кисәтә – 21-нче гыйнварның 18.00 сәгатеннән 22-нче гыйнварның 18.00 сәгатенә кадәр шулай булачак.

Шулай итеп, төнлә һәм көндез республика һәм аның башкаласы территориясендә 500-1000 метрга кадәр күз күреме начарлану белән буран, бозлавык, көнбатыштан секундына 15-20 метрга кадәр көчле җил, юлларда – кар боткасы, төнлә – кар һәм юеш кар рәвешендә көчле явым-төшем көтелә.

22-нче гыйнварда Казанда төнлә һава температурасы 0-дән -2 градуска кадәр, көндез 0-дән +2 градуска кадәр булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Һава шартлары начар булу сәбәпле, ТР буенча Россия Гадәттән тыш хәлләр министрлыгының Баш идарәсе урамда электр тапшыру линияләре, агачлар, реклама щитлары һәм витриналар, йорт кәрнизләре, реклама стендлары, агач кәүсәләре янында тормаска киңәш итә. Җил көчле булганда, подъездга качарга кирәк. Машина йөртүчеләргә ерак араларга йөрүдән баш тартырга киңәш ителә.

Барлык яңалыклар