Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
21.01.2020, 12:11

Яшьләр көненә Казанда I Бөтенроссия шәһәр уеннары узачак


(Казан шәһәре KZN.RU, 21-нче гыйнвар, Алена Мирошниченко). Казанда 26-нчы июньнән 28-нче июньгә кадәр I Бөтенроссия шәһәр уеннары узачак. Чара Яшьләр көненә туры китерелгән, биредә яшь буын өчен популяр булган заманча спорт төрләре тәкъдим ителәчәк.

Бүген Татарстан Республикасы Министрлар Кабинетында узган брифингта Спорт һәм социаль проектлар дирекциясе генераль директоры Азат Кадыйров сөйләвенчә, ярышларга меңнән артык спортчы һәм 150 волонтер килер дип көтелә.

Биредә 10 төп спорт төре тәкъдим ителәчәк, шул исәптән паркур, роллер-спорт, флаинг-диск һәм башкалар, шулай ук 3 күрсәтмә – текбол, миниволей һәм флайборд. Уеннарны үткәрү урыны итеп ике мәйданчык сайланган: Горький паркы һәм «Миллениум» күпере янындагы экстрим-парк, ул җәй башына әзер булачак, дип билгеләп үтте А.Кадыйров.

Моннан тыш, 2020 елда Казанда төрле масштабтагы башка спорт турнирлары да планлаштырылган. Татарстан Республикасы спорт министрының беренче урынбасары Хәлил Шәйхетдинов Казанның йөзү, синхрон йөзү һәм суга сикерү буенча FINA дөнья сериясе этапларын, нәфис гимнастика, регби-7, мотосерфинг, көрәш буенча халыкара стартларны кабул итәргә әзерләнүе турында сөйләде.

Шәһәр халкына һәм Татарстан башкаласы кунакларына шулай ук хайдайвинг буенча дөнья кубогы, 18 яшькә кадәрге яшүсмерләр һәм кызлар арасында чирәмдәге хоккей буенча Европа беренчелеге, фехтование буенча дөнья кубогы кебек ярышлар кызыклы булачак.

Моннан тыш, быел Татарстан башкаласы 50 метрга йөзү буенча Россия чемпионатында һәм хатын-кызлар арасында спорт (ирекле) көрәше буенча Россия чемпионатында катнашучыларны җыячак.

Барлык яңалыклар