Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
21.01.2020, 15:43

Казанлылар Бөтенроссия халык санын алу талисманын эшләүдә катнаша ала


(Казан шәһәре KZN.RU, 21-нче гыйнвар). Казанлылар 2020 елгы Бөтенроссия халык санын алу талисманын булдыру конкурсында катнаша ала. Ул Росстатның басма, мәгълүмати, реклама һәм башка продукциясендә, шулай ук социаль челтәрләрдә һәм проект сайтында урнаштырылачак.

Конкурста Россия Федерациясенең 18 яшьтән өлкәнрәк һәр гражданины катнаша ала. Авторлардан җанисәпнең мөһимлеген чагылдыра торган объект рәсеме төшерелгән өч эш кабул ителә. Конкурста җиңүче 60 мең сум күләмендә акчалата бүләк алачак.

Конкурсантларга үз Instagram-аккаунтларында эшне урнаштырырга, @strana2020 сылтамасын билгеләп үтәргә һәм #талисман_перепись хэштегын куярга кирәк. Аннары халык санын алуның рәсми сайтында теркәлергә һәм анда тәкъдим ителгән мәкаләгә сылтама беркетергә кирәк. Оештыручылар Instagram-аккаунт ачык булырга тиеш, дип ассызыклый.

Конкурс ике этапта узачак: халык санын алу сайтында ачык тавыш бирү һәм жюри фикере. Эшләр 10-нчы февральнең 12.00 сәгатенә кадәр кабул ителә.

Исегезгә төшерәбез, 2020 елның октябрендә узачак Бөтенроссия халык санын алу вакытында беренче тапкыр өр-яңа технологияләр кулланачаклар. Барлык теләүчеләр дә халык санын алуда дәүләт хезмәтләре интернет-порталы яки мобиль кушымта аша катнаша ала. Халык санын алучылар тарафыннан сораштыру 4-нче октябрьдә башлана. Алар барысы да электрон сан алу битләре булган планшет компьютерлар кулланачак.

Барлык яңалыклар