Казан укучыларын «Информатика һәр нәрсәдә» күргәзмәсенә чакыралар

Балалар БК0010, «Микрошу», Сура ПК8000 белән таныша һәм башка ретро-техниканы күрә алачак

Яшь казанлыларны ИТ паркына «Информатика һәр нәрсәдә» күргәзмәсенә чакыралар. Укучылар 1985 елның беренче компьютер сыйныфлары һәм заманча ИТ һөнәрләре турында өйрәнәчәкләр.

Күргәзмә интерактив форматта уза. Балаларны персонаж озатып барачак, алар белән бергә төрле һөнәрләр белгечләре белән әңгәмәгә кереп, бәйгенамә узарга туры киләчәк. Алар арасында: иҗат директоры, ЯИ тренеры, дата-журналист һәм сәнәгать дизайнеры.

Күргәзмәнең экспонатлары: БК0010, «Микроша», Yamaha YIS-503IIIR КУВТ2, Сура ПК8000 экспонатлары. Финалда катнашучылар истәлеккә махсус артефакт алачак, дип хәбәр иттеләр ТР Цифрлар министрлыгы матбугат хезмәтендә.

Күргәзмә мәктәп программасына информатика фәненең кертелүенә 40 ел тулуга багышланган һәм 26 октябрьгә кадәр дәвам итәчәк. Укучыларны 10:00 нан 19:00 га кадәр Спартак урамы адресы буенча көтәчәкләр. Керү алдан теркәлү буенча ирекле.

Экспозиция Татарстан Республикасы дәүләт идарәсенең цифрлы үсеше, мәгълүмати технологияләр һәм элемтә министрлыгы, Татарстан Республикасы Мәгариф һәм фән Министрлыгы һәм Бәшир Рамеев исемендәге ИТ парк ярдәмендә булдырылган.

Шулай ук укыгыз

Барлык яңалыклар