Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
30.07.2021, 18:00

Өлешчеләр өй туен бәйрәм итә, машина йөртүчеләр яңа парковка урыннарын карый, ә мәдәният йортларында прививкалар ясый башладылар

KZN.RU порталы атнаның иң кызыклы вакыйгалары сайланмасын әзерләде.

Фото: Марат Мугинов

(Казан шәһәре KZN.RU, 30-нчы июль). Узган атнаны Казанда төзелеш атнасы дип атарга була, чөнки нәкъ менә иң кайнар яңалыклар шул өлкә белән бәйле – алданган өлешчеләр өй туен уздырырга әзерләнә, ә Вахитов һәм Идел буе районнарында поликлиникалар, балалар бакчасы һәм мәктәп төзекләндерелә. Татарстан башкаласының июльнең соңгы ялларын ни белән каршы алуы турында KZN.RU порталы сайланмасында укыгыз.

Өлешчеләр өй туен бәйрәм итә

Бу атнада проблемалылардан берьюлы ике йорт файдалануга рөхсәт алды: Чыңгыз Айтматов урамындагы 5-нче номерлы «Молодежный» торак комплексы һәм Чистай урамындагы 6-нчы номерлы «Золотая середина» торак комплексы. Шулай итеп, «икенче дулкын»нан 30 йортның өчесе генә тапшырылмаган.

Социаль объектлар төзү дәвам итә

Вахитов районының 41-нче номерлы мәктәбендә масштаблы ремонт эшләре алып барыла – биредә төшке аш залы мәйданын киңәйтәләр, баскетбол боҗралары һәм куркынычсыз өслек белән заманча спорт мәйданчыгын төзекләндерәләр.

Шул ук вакытта Идел буе районындагы «Солнечный город» торак комплексында 11-нче номерлы балалар  һәм 18-нче номерлы өлкәннәр поликлиникасы филиаллары төзекләндерелә. Аларны агымдагы ел ахырына кадәр еракка йөрүдән арыган җирле халык үтенече буенча ачачаклар.

Биредә 4-нче номерлы балалар бакчасы филиалы да ачылырга әзерләнә. Ул алданрак эшли башлаячак, 1-нче сентябрьгә, һәм 150 бала кабул итәчәк. Эш барышын шәһәр Башкарма комитеты җитәкчесе Рөстәм Гафаров тикшерде.

Җитмәсә, ТР Сәламәтлек саклау министрлыгында 7-нче номерлы шәһәр хастаханәсе каршындагы заманча тернәкләндерү үзәге ачылу турында хәбәр иттеләр. Ул 147 урынга исәпләнгән һәм ел ахырында тапшырылачак.

Муниципаль паркингны киңәйтү

Быел парковка киңлеге 2400 машина урынына артачак. Шулай итеп, урам-юл челтәре буйлап муниципаль паркинг 4,3 меңнән 6,7 мең урынга кадәр киңәячәк. Башкарма комитет җитәкчесе урынбасары Илдар Шакиров машиналар өчен яңа урыннар барлыкка киләчәк урамнарны һәм яшерелгән номерлар белән көрәш ысулларын атады, ә административ-техник инспекция идарәсе җитәкчесе Наил Минвәлиев шәһәрдә балалар мәйданчыкларында һәм газоннарда машина калдырырган кешеләрне ничек җәзалаулары турында сөйләде.

Транспорт картасын тулыландыруның яңа пунктлары

Транспорт буенча комитетта транспорт карталарын сату һәм тулыландыруның 46 пункты ни сәбәпле ябылуын аңлаттылар, шулай ук 13 яңа терминал турында сөйләделәр. Яхшы хәбәр шунда ки, Казанда алардан башка да тагын өстәмә 574 пункт эшли, шуңа күрә ерак йөрергә туры килмәячәк.

2-нче номерлы троллейбус маршрутында үзгәрешләр

Күрәсең, 2-нче номерлы троллейбус үзенчә эксперименталь булды. Беренчедән, ике айга сынау режимында аның маршруты үзгәрәчәк – белгечләр пассажирлар агымын анализларга һәм казанлыларга транспорт хезмәте күрсәтүнең сыйфатын ничек яхшыртырга кирәклеген хәл итәргә тели.

Икенчедән, «Метроэлектротранс» муниципаль унитар предприятиесендә 10 троллейбуста йөрү өчен шул ук маршрутның кондукторсыз түләү системасы кертелүе турында хәбәр иттеләр – пассажирлар билетларны электрон компостерлар ярдәмендә алгы, урта һәм арткы мәйданчыкларда, шулай ук машина йөртүчедән сатып ала алачак.

Башта прививка, аннары бию

Коронавирустан вакцинация пунктлары Казан мәдәният йортларында ачылды. Дөрес, әлегә тест режимында. Тагын дүртесе сәүдә үзәкләрендә һәм дистәләп сәламәтлек саклау учреждениеләрендә эшли. COVID-19-дан ни өчен прививка ясатырга һәм Казанда моны кайда эшләргә мөмкин булуы турында ТР сәламәтлек саклау министры урынбасары – ТР Сәламәтлек саклау министрлыгының Казан буенча Идарәсе башлыгы Владимир Жаворонков сөйләде.

Барлык яңалыклар