Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
25.11.2021, 12:17

Декабрьдә Казанның 6 мең чыгарылыш сыйныф укучысы йомгаклау иншасы язачак

2021/2022 уку еллары өчен биш имтихан темасы игълан ителде.


Фото: Денис Гордийко

(Казан шәһәре KZN.RU, 25-нче ноябрь). Декабрьдә Казанның 6 мең чыгарылыш сыйныф укучысы йомгаклау иншасы язачак. Ул дәүләт аттестациясенә керү шартларының берсе, шулай ук югары уку йортына кергәндә шәхси казаныш буларак та исәпкә алына. Имтиханны уздыру 1-нче декабрьгә билгеләнгән.

Федераль педагогик үлчәүләр институты сайтында 2021/2022 уку елында йомгаклау иншасы өчен биш тема басылып чыкты: «Сәяхәт итүче кеше: кеше тормышында юл», «Цивилизация һәм технологияләр – коткару, каршылык яисә фаҗига?» , «Җинаять һәм җәза – мәңгелек тема», «Минем турында китап (музыка, спектакль, фильм)» һәм «Русьтә кем яхшы яши?»–гражданин соравы». Төгәл темалар йомгаклау иншасын үткәрү көнендә, башланырга 15 минут кала билгеле булачак.

Йомгаклау иншасын язу өчен 3 сәгать 55 минут вакыт бирелә. Мөмкинлекләре чикле балалар, инвалид-балалар һәм инвалидлар өчен бу вакытка тагын сәгать ярым вакыт өстәлә, шулай ук алар инша һәм изложение арасында сайлап ала алалар – тулаем алганда, Татарстан буенча бу хокуктан 350 кеше файдаланган.

Барлыгы республикада йомгаклау иншасын 16 меңгә якын чыгарылыш сыйныф укучысы язачак.

Декабрь аенда йомгаклау иншасы өчен зачет алмаган унберенче сыйныф укучылары аны кабат 2022 елның 2-нче февралендә яза алачаклар. Моннан тыш, бу көнне белем бирү оешмасының педагогик советы карары белән 1-нче декабрьдә җитди сәбәпләр аркасында килмәгәннәргә дә катнашу рөхсәт ителә, дип хәбәр итә ТР Мәгариф һәм фән министрлыгы матбугат хезмәте.

Имтиханны үткәрү тәртибе турында өстәмә мәгълүматны түбәндәгеләр буенча алырга мөмкин:

+7(843)294-95-06 телефон номеры буенча (ТР Мәгариф һәм фән министрлыгы;

ТР Мәгариф һәм фән министрлыгы сайтында

Республика белем бирү сыйфатына мониторинг үзәге сайтында.

 

Барлык яңалыклар