Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
02.07.2019, 16:20

Казанда 6 ай эчендә салынган административ штрафлар күләме 128 млн сумнан артып киткән


(Казан шәһәре KZN.RU, 2-нче июль). Агымдагы елның 6 аенда Казанның Административ комиссияләре административ хокук бозулар турында 26 мең 26 карар чыгарды.. Хокук бозучыларга 128 млн 108 мең 800 сумлык штраф салынды.

Контрольлек итүче органнар иң күп карарларны Административ хокук бозулар турында Татарстан Республикасы кодексының «Түләүле муниципаль парковкада (парковка урыннарында) транспорт чараларын урнаштыру өчен түләмәү» турындагы 3.16 маддәсе буенча чыгарды – 17 мең 304, 42 млн 57 мең 500 сумлык штраф салынды.

«Җирлекләр һәм шәһәр округлары территорияләрен төзекләндерү муниципаль кагыйдәләрен бозган өчен» (Административ хокук бозулар турында Татарстан Республикасы кодексының 3.6 маддәсе ) 2 мең 599 карар чыгарылды һәм 70 млн 563 мең 900 сумлык штраф салынды.

«Урам сәүдәсен оештыру тәртибен бозу» 3.2 маддәсе буенча 2 мең 792 материал төзелде, 5 млн 537 мең 100 сум күләмендә штраф салынды. Тышкы мәгълүматны урнаштыру тәртибен бозган өчен (Административ хокук бозулар турында Татарстан Республикасы кодексының 3.5 маддәсе) 1 млн 938 мең 500 сумлык 1 мең 346 карар чыгарылды.

ТР Административ хокук бозулар турындагы кодексның «Җирле үзидарә органнарының муниципаль хокукый актларын үтәмәү» турындагы 2.6 маддәсе буенча 397 карар чыгарылды. Әлеге маддә буенча салынган штрафлар суммасы 4 млн 680 мең 300 сум тәшкил итте.

Барлык яңалыклар