Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
10.02.2021, 10:34

Татарстанда татар телендә язылган элмә такталарда һәм табличкаларда хаталарны ачыклау буенча конкурс уза

Дәүләт хезмәтләре порталында теркәлгән барлык теләүчеләр дә катнаша алачак.

Фото: Денис Гордийко

(Казан шәһәре KZN.RU, 10-нчы февраль). Казанлылар республика халкын татар телендәге элмә такталарда һәм мәгълүмати табличкаларда хаталарны ачыклауга җәлеп итү конкурсына кушыла ала. 1-нче февральдән 1-нче сентябрьгә кадәр уза торган конкурста Татарстанның дәүләт хезмәтләре порталында теркәлгән һәр кешесе катнаша алачак.

Конкурста катнашу өчен смартфонга ТР Дәүләт мәгълүмат системасының «Халык контроле» мобиль кушымтасын урнаштырырга, ТР Дәүләт һәм муниципаль хезмәтләр системасының «Халык контроле» мобиль кушымтасына (яки Татарстан Республикасы Дәүләт һәм муниципаль хезмәтләр күрсәтү сайтының ТР Дәүләт мәгълүмат системасының «Халык контроле» бүлегендә) авторизацияләнергә , «Исем һәм язулардагы хаталар» категориясен сайларга кирәк. Шуннан соң хаталары булган тулы элмә такталар турында фотоматериаллар белән хәбәрнамә җибәрергә кирәк. Элмә такталардан тыш, бу шулай ук мәгълүмат табличкалары, топографик тасвирлама, республика территориясендә торак йортларның юл күрсәткече яки аншлагы булырга мөмкин. Фотода табличканың нинди оешманыкы булуы күренергә тиеш. Моннан тыш, аның кайсы адрес буенча урнаштырылган булуын күрсәтергә кирәк.

Дәүләт кушымталары һәм хезмәтләре порталыннан тыш, хата турында, хатка фотоматериалларны кушып, язма рәвештә хәбәр итәргә мөмкин. Мөрәҗәгатьне ТР Фәннәр академиясенең Г.Ибраһимов исемендәге Тел, әдәбият һәм сәнгать институтына iyali.anrt@mail.ru электрон адресына яисә түбәндәге адрес буенча җибәрергә була: 420111, Казан, Карл Маркс урамы, 12.

Конкурс йомгаклары буенча оештыручылар «Халык контроле»ндә урнаштырылган хәбәрнамәләрдә иң күп санда фотоматериаллар җибәргән 10 җиңүчене билгелиячәк. Җиңүчеләрне бүләкләү тантанасы агымдагы елның дүртенче кварталында узачак, дип хәбәр итә оештыручылар.

Конкурс татар телен саклау һәм үстерү мәсьәләләре буенча Татарстан Республикасы Президенты каршындагы Комиссия инициативасы белән үткәрелә. Аның төп максаты – татар телен саклап калу һәм популярлаштыру, республика халкының игътибарын элмә такталарда, мәгълүмати табличкаларда, топографик тамгаларда, юл күрсәткечләрендә һәм торак йортларның аншлагларында татар телендәге хаталар һәм язулар проблемасына җәлеп итү.

Барлык яңалыклар