Физик культура һәм спорт комитеты

Комитет эшчәнлеге предметы һәм максатлары

Комитет эшчәнлеге предметы һәм максатлары булып Казан шәһәре муниципаль берәмлегенең башкарма-боерык органы – җирле билгеләнештәге мәсьәләләрне тормышка ашыру сферасында, ә нәкъ менә шәһәр территориясендә массакүләм физик культура һәм спортны үстерүдә Казан шәһәре Башкарма комитеты исеменнән идарәлек функцияләрен башкару тора.

• Комитет компетенциясе һәм вәкаләтләре
  
• Казан шәһәренең Башкарма комитеты органы буларак Комитет вәкаләтләре
  

• физик культура һәм спорт өлкәсендә программалар һәм проектлар эшләү;

• физик культура һәм спорт учреждениеләре челтәрен саклау һәм үстерү, аларның материаль базасын ныгыту; 
  

• билгеләнгән чикләрдә товарлар куюга, эшләрне башкаруга, ведомство карамагындагы учреждениеләр өчен хезмәтләр күрсәтүгә бәйгеләр оештыруда катнашу;
  

• шәһәр спорт ярышларының һәм чараларының бердәм планын формалаштыру, аларны үткәрү турында положениеләр эшләү һәм раслау;
  

• спортчыларга, тренерларга, физик культура хезмәткәрләренә спорт исемнәре һәм разрядлар бирү өчен документлар әзерләү һәм дәүләт органнарына тәкъдим итү;
  

• билгеләнгән тәртиптә физик культураны һәм спортны яклау өчен оешмалар төзүдә катнашу;

• спорт чараларын оештыру һәм үткәрү;
  

• расланган дәүләт отчетлылыгы кысаларында ведомство карамагындагы учреждениеләрнең финанс-хуҗалык эшчәнлеген анализлау һәм контроль;

• ведомство карамагындагы учреждениеләргә һәм оешмаларга бирелгән муниципаль милекнең саклыгына һәм нәтиҗәле файдалануына контроль башкару;
  

• үз эшчәнлекләре сферасында муниципаль хокукый актлар проектларын әзерләү;

• закончалык, муниципаль хокукый актлар белән каралган башка вәкаләтләрне башкару.

• Комитет хокуклы
• Үзләренә оператив идарә хокукында беркетелгән милекне, гамәлдәге закончалыкта каралган тәртиптә һәм чикләрдә акча средстволарын биләүне һәм куллануны башкарырга;
  
• Үз исеменнән милек һәм шәхси милек булмаган хокуклар алу һәм бурычлар алып бару, гражданлык закончалыгында каралган нигездә һәм тәртиптә юридик һәм физик затлар белән килешүләр һәм башка алыш-бирешләр төзү;
  
• Закончалык һәм муниципаль хокукый актлар белән каралган нигездә һәм тәртиптә башка хокукларны башкару һәм башка бурычларны алып бару.

Казан шәһәре Башкарма комитетының физик культура һәм спорт Комитетында шәхси кабул итү һәр сишәмбедә 14.00дән 18.00гә кадәр Казан ш., Үзәк стадион, Ташаяк ур., 2а йорты адресы буенча алып барыла. Язылу өчен телефон 8 (843) 223 19 36.