Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
31.10.2019, 15:33

20 ноябрьдә Казанның барлык районнарында балаларга түләүсез хокукый ярдәм күрсәтәчәкләр


(Казан шәһәре KZN.RU, 31-нче октябрь). 20-нче ноябрьдә Казан Бөтенроссия балаларга хокукый ярдәм күрсәтү көненә кушылачак. Бу көнне барлык районнарда да бушлай юридик консультация биреләчәк. Аны ятим балалар, ата-ана тәрбиясеннән мәхрүм калган балалар, ата-ана тәрбиясеннән мәхрүм калган баланы үз гаиләсенә тәрбиягә алырга теләүче затлар, уллыкка алучылар, инвалид балалар, шулай ук аларның законлы вәкилләре ала алачак.

Шәһәрнең Авиатөзелеш һәм Яңа Савин районнарында консультация 13.00 сәгатьтән 18.00 сәгатькә кадәр түбәндәге адрес буенча урнашкан администрация бинасында узачак: Волгоград ур., 32, 102-нче номерлы кабинет. Вахитов һәм Идел буе районнарында - 9.00 сәгатьтән 12.00 сәгатькә кадәр администрациянең түбәндәге адрес буенча урнашкан опека һәм попечительлек бүлегендә үтәчәк: Ипподром ур., 14, (2-5 нче номерлы кабинетлар). Киров һәм Мәскәү районнарында - 9.00 сәгатьтән 12.00 сәгатькә кадәр администрациянең түбәндәге адрес буенча урнашкан опека һәм попечительлек бүлегендә узачак: Восстание ур., 82 (119-нчы номерлы кабинет). Совет районында - 14.00 сәгатьтән 18.00 сәгатькә кадәр түбәндәге адрес буенча урнашкан хакимият бинасында: Шуртыгин ур., 1 йорт, (107, 108, 109, 110-нчы номерлы кабинетлар).

Моннан тыш, очрашулар «Дуслык» девиант тәртипле балалар һәм яшүсмерләр өчен социаль-тернәкләндерү үзәгендә һәм «Ышаныч» комплекслы социаль хезмәт күрсәтү үзәгендә оештырылачак. Шулай итеп, 20-нче ноябрьдә хокукый грамоталылык дәресен түбәндәге адрес буенча оештыралар: Восстание ур., 99а, ә Г.Коләхмәтов ур., 21 адресы буенча – юридик мәсьәләләр буенча бушлай консультацияләр көне. Шулай ук 27-нче ноябрь 17.00 сәгатьтән 19.00 сәгатькә кадәр авыр тормыш хәлендә калган балалар, яшьләр һәм ата-аналар психолог һәм юристлардан шәхси консультация ала алалар, ул түбәндәге адрес буенча оештырылачак: Чуйков ур., 79а.

 

Барлык яңалыклар